SAY討論區

標題: 十二星座攻略: 由朋友變男友 [打印本頁]

作者: samfung520 時間: 2013-1-17 14:21:12 標題: 十二星座攻略: 由朋友變男友

喺愛情路上，有一個好普遍的樽頸位──對對方有了一定認識，也有feel，但就總是差少少，硬係遲遲未變成情侶。想同對方更進一步，不妨從對方的星座入手。

白羊座
白羊嘅佢勇字當頭，鍾意做先鋒，所以在愛情上，他也要做主動的那一位，因此你也必須稍為被動和含蓄，讓他去追求、出擊，能夠盡力去討你歡心，贏你回來，才是他的最大成就。如果你太主動，他會覺得好無癮。還有，「取勝」是他的人生目標，所以即管讓他認叻，只要他有勝利感，那最後的贏家會是你囉！

金牛座
金牛座的確好慢，如果你喜歡了金牛，第一件事就是要拿出耐性，因為他必須覺得你是一個安全和可信的人，他才會慢慢信任你。點先算係可信？約會唔好遲到，應承咗嘅事要做，要有交帶，同唔好做無尾飛陀。金牛仲好重視外表，所以每次同佢見面一定要悉心打扮，有taste得來唔好太誇張或太潮。偶爾一點的身體接觸，像拍拍他的膊頭，他會被電暈的！

雙子座
基本上雙子座同任同人都可以做friend，亦有好多嘢講，所以唔好以為佢同你講多幾句就代表鍾意你。要佢對你另眼相看，你嘅轉數一定要夠快，接得上他跳嚟跳去嘅話題，明白佢獨有的口頭禪。而且你最好好似一千零一夜的講故事女郎，不斷有新鮮有趣的話題，講嘢夠幽默，當佢覺得你幾得意嗰陣，就係你成功之日啦！

巨蟹座
巨蟹座經常帶住一個保護殼，如果你要撬開個殼，就一定要動之以情。因為始終佢係感性一族，你最好周不時噓寒問暖，寫嚇心意咭、做嚇小禮物，總之有心思，佢就最受落。而他特別欣賞孝順的人，喺佢面前多啲表現你呢方面嘅優點，就一定勁加分。最後嘅殺手鐧－－為他親手整嘢食，掂梗！

獅子座
講到明係萬獸之王，佢既然係皇上，自然要搵返個高貴得體、又見得人嘅皇后。首先，你嘅打扮唔單止要靚，更要談吐大方得體，等佢覺得帶住你出街或者見朋友唔會失禮，仲會惹嚟艷羨目光，覺得自己好威，咁你已經成功咗一半。剩底嘅，就係要經常讚佢，當佢感到飄飄然的時候，你就得手了！

處女座
處女座出曬名係完美主義者，非常挑剔，極度愛分析。佢表面睇嚟好冷靜，但實際上個腦已經不斷作出超級運算，睇下你係咪達到佢嘅標準。贏面較高、較容易吸引佢嘅特質包括整潔、乾淨，而且要lady一啲，低調含蓄又端莊，再加上一個理智、有學識的腦袋，就容易令佢愛上你了。

天秤座
天秤座係戀愛動物，好容易對一個人產生興趣同好感，如果要喺萬綠叢中引起佢嘅注意，漂亮嘅外表一定係首項令佢動心嘅條件（因為佢係貪靚嘅星座！）。然後呢，對佢做多啲溫暖又窩心嘅事，例如畫幅畫俾佢、整啲小禮物，俾到佢浪漫感覺同情懷，戀愛動物就走唔甩啦。

天蠍座
天蠍座鍾意神神秘秘，所以對住佢，少不免要用一啲招數，就是要有點欲拒還迎，等佢捉摸唔到你嘅心意，而有時欲言又止，又或者唔好俾佢輕易知道你各方面的事情、內心的想法，那樣就會讓他有動力去逐步揭開你的面紗。當他真的愛上你時，面對極度深情的他，你想走也走不掉！

人馬座
人馬座成世人最緊要玩，所以首先你要俾佢「好玩」、「得意」的感覺，得閒講嚇笑，及講一些獨特的玩意，然後，一個唔覺意，又講嚇人生哲理等較為有深度的東西，愛探索人生的他一定覺得你好有深度。當然，關鍵是要尊重他的空間和自由，切忌check佢行蹤。

山羊座
山羊座亦是金牛座以外，另一很慢很謹慎的星座，所以一定要慢慢來，花多啲時間同佢相處，等佢觀察到你嘅好。咁要點好呢？踏實、穩陣，等佢覺得你係成熟嘅女生，最好講嚇未來計劃，然後偶然講少少笑，當嚴肅嘅佢覺得對住你可以relax落嚟，你就得咗喇。

水瓶座
水瓶座對每個人都係採取一個做實驗嘅態度──「睇嚇你點」，所以你會覺得他cool得來又好似對你有啲興趣。如果要超越呢一步，等佢真係對你有興趣，就要表現出你獨特、與眾不同的一面，甚至講一啲奇奇怪怪嘅嘢，當佢覺得你好特別，自然對你另眼相看。

雙魚座
雙魚座太容易動情，基本上要他喜歡你實在太容易，多跟他聊天，傾訴一下心事，讓他覺得你的心很相近，甚至有時顯得有點楚楚可憐，惹起他對你的憐愛，已經可以成功。不過，他實在比較優柔寡斷，所以你不妨主動啲，否則真係唔知要等到幾時先成功。

作者: 傻QQ 時間: 2013-1-17 14:54:39

不錯不錯比我強多了

作者: nh88 時間: 2013-1-17 15:05:37

先看看怎麼樣！

作者: andykom28 時間: 2013-1-17 15:05:57

這個貼不錯！！！！！看了之後就要回復貼子，呵呵

作者: 正義西門慶 時間: 2013-1-17 15:16:21

不錯，看看。

作者: 十兵衛 時間: 2013-1-17 15:25:21

家財萬貫還得回很多貼哦

作者: kinh9999 時間: 2013-1-17 15:55:14

回個帖子支持一下！

作者: DiorCherie 時間: 2013-1-18 01:35:48

分享的文章不錯看

作者: 底褲超人 時間: 2013-1-18 01:36:11

呵呵那就好好玩吧~~~~

作者: appson 時間: 2013-1-18 05:00:16

尼伊達是各好論壇，以後天天來

作者: alvinsiusiu 時間: 2013-1-18 06:49:09

是樓主原創嗎

作者: 鬼谷先生 時間: 2013-1-19 08:15:33

潛水值看滿囉，回覆一下

作者: Disy 時間: 2013-1-20 11:29:17

貌似我真的很笨????哎

作者: fifidodo3 時間: 2013-1-21 18:40:29

哈哈，看的人少，回一下

作者: ng015856 時間: 2013-1-22 08:42:46

說嘛1~~~想說什麼就說什麼嘛~~

歡迎光臨 SAY討論區 (http://forum.go2tutor.com/)