SAY討論區

標題: 腳癬麵 [打印本頁]

作者: 武神張 時間: 2013-1-23 20:41:07 標題: 腳癬麵

腳癬麵
腳癬麵 - 深圳驚現腳癬麵

只有諗唔到，沒有做唔到。內地黑心食品推陳出新，無奇不有，最新產品係「腳癬麵」，你聽過未吖？嗱，唔係嚇你㗎，雖然你未必聽過，但就極可能食過！

話說深圳當局最近抽查食品，發現最少八十五種產品有問題，包括麵製品、糕點麵包、火鍋原料等等，簡直無物不毒，防不勝防。最令人反胃嘅係，其中十六種唔合格嘅麵製品例如幼麵、粗麵、刀削麵同拉麵以及唔少糕點麵包，居然含有治療腳癬嘅化學物質苯甲酸。

大家咪以為唔關香港事吖，呢種腳癬麵唔只喺深圳賣通街，有本港雜貨店老闆透露不時有人推銷雜嘜麵食及火鍋湯料，亦有行家自行北上攞貨，即係話，喺香港食麵同樣有機會中招嘅咋，問你怕未！

點解麵製品會有腳癬藥成分？原來呢種苯甲酸有殺菌防腐作用，攝入過量隨時損及肝臟o架。內地奸商為達目的，不擇手段，真係乜都做得出。正如本港業界人士話齋，內地食品好得人驚，部分劣質麵製品實際上係由麵粉、味精、鹽水混合而成，連打麵過程都慳番。

話時話，相對於腳癬麵，「羅丹明B火鍋」更加得人驚喇。羅丹明B係一種工業用螢光化學染料，一般用於手術或實驗用顯影，或者為洗頭水、沐浴露等添色，毒性同致癌物蘇丹紅不相伯仲。曾經有人用老鼠進行羅丹明B試驗，證實會導致皮下組織生瘤。至於點解呢種致癌物會出現喺食物當中，連學者都莫名其妙。

所以話，蝕本生意冇人做，殺頭生意有人做，無良奸商為咗賺多幾個錢，無所不用其極，簡直喪盡天良。有人形容中國人喺餐枱上完成化學掃盲，真係一啲都冇講錯。叮，再咁落去，中國人想唔變成東亞病夫都唔得喇！

城門失火，殃及池魚，內地黑心食品氾濫成災，香港都幾難獨善其身，尤其係深圳出事，香港人隨時中咗招都唔知。呢，港產官僚一向後知後覺，次次都要等到內地出事或者傳媒踢爆至如夢初醒，好似今次咁吖，食物安全中心輕描淡寫咁話，會從出口、批發同零售層面抽查食品，確保符合法例規定喎。講咗等於冇講。

總之一句講晒，深圳食品樣樣毒，香港把關勿渾噩。食品安全警報長響，民以食為天變成民以食為憂，如果香港唔想淪陷，被迫食腳癬麵及致癌火鍋，港產官僚就要好好把關，咪再瞌眼瞓喇，叮！

腳癬麵

作者: alvinsiusiu 時間: 2013-1-23 21:24:03

謝謝樓主啊！

作者: hopakngai 時間: 2013-1-23 21:50:30

不錯不錯.,..我喜歡

作者: 鬼谷先生 時間: 2013-1-23 21:57:51

呵呵哪天得看看 `~~~~

作者: coffyma 時間: 2013-1-23 21:59:03

我這樣算沙發嗎？

作者: bobodragon2001 時間: 2013-1-23 23:28:07

原來這樣也可以

作者: michael.huang 時間: 2013-1-24 01:45:52

幫你項項吧

作者: 切雞飯` 時間: 2013-1-24 04:04:38

哈哈我支持你

作者: skykingdom 時間: 2013-1-25 06:06:43

尼伊達是各好論壇，以後天天來

作者: frankyhui 時間: 2013-1-27 06:13:17

好帖子，要頂！

作者: lreneMOON 時間: 2013-1-28 11:45:40

支持你加分

歡迎光臨 SAY討論區 (http://forum.go2tutor.com/)