輪迴胎記

tissss

時間：95年８月‧地點：小健的傢裡‧人物：阿堅、小健

小健係我識左十幾年嘅老朋友。唔好以為我地已經成廿幾三十歲，其實我隻係個14歲中三學生，隻不過我地係同一條村長大。

小健塊面上有個異於常人嘅疤痕。小健話呢個係胎記，一出世就有。呢個咁完美嘅交叉圖案似人為多過似天然，而且呢個交叉痕係似用刀大力刻上去咁。不過識佢咁多年，早已見怪不怪。

一日，我去佢屋企玩。由於佢父母和姐姐都出外旅遊，所以隻有佢一個人留屋企。我見佢屋企冇人，趁小健入左去廁所後，好八卦咁入佢姐姐同父母嘅房睇睇。

入到佢父母間房，我被一張好奇怪嘅相吸引住。相裡面嘅人個樣同小健一模一樣，但面上冇疤痕。以我所知，小健係冇孖生兄弟。於是我好自然咁拎住張相去問小健。

小健話其實佢係有個哥哥，不過喺佢姐姐出世之前已經意外死亡，所以佢姐姐同小健都未見過呢位哥哥。小健嘅媽媽當時非常傷心，受唔住呢個打擊，有精神失常，成日都不眠不吃。

出殯果日，佢媽媽淨係守住遺體，口中喃喃咁唸住：「我同你真係咁快緣盡？」火化那刻，佢媽媽突然發哂癲咁,揸住把刀，用力捉住個遺體，然後大力咁喺佢塊面上劃個交叉作記號，仲講左句：「我等你返黎我身邊。」

講到呢度，我對眼已經落喺小健面上個胎記到。小健見到我咁眼叨既N話：「冇錯，同呢個交叉係一模一樣，所以媽媽話出世見到我第一眼，心情就好激動，而且認定係我哥哥輪迴返。而我個名同我哥哥個名係同音不同字。」

李終貴按：據終貴所知，要輪迴轉世，都要等十幾廿年。算一算，就算哥哥要轉世，都隻可以做到小健或姐姐d仔女。除非真係努力咁付出過，感動到上天，可能呢d叫做回報。

kenneth_sweet

頂你一下，好貼要頂！

naturebeehk

不錯啊! 一個字牛啊!

andykom28

說嘛1~~~想說什麼就說什麼嘛~~