[轉貼]附在安樂椅上的女鬼

tissss

對於二手物件,由其是唔知到來由的,好多人都唔敢用,怕有污糟野.但係當差佬阿權,諗住有皇氣照住,所以諗都無諗,就係上環一間夜冷店度買左張安樂椅,為佢間寡佬新居添置傢俬.但係怪事就由呢一日開始發生.
  阿權發覺屋入面經常瀰漫住一陣香氣,最初佢以為係鄰居傳過黎.直至有一晚,佢睡到半夜,感覺到有一個女人坐係佢隔離,床褥因為對方o既重量甚至被壓低左.當佢轉身去睇下o既時候,佢親眼見到一撮長頭髮掃過自己o既面,頭髮重散發住果陣濃烈但係怪異香味.阿權嚇到成個彈起,猛問到底係邊個?但係空氣入面,隻有佢自己驚叫o既迴音.
  自此之後,呢個女人,每一晚都好似坐係阿權旁邊,阿權開始感覺到佢並無惡意,所以每次臨睡,都喃喃自語咁叫個女仔唔好攪自己,然後大被蓋過頭,重刻意側埋一邊,讓出半張床.
  有一晚,阿權請朋友大力番屋企飲酒傾偈,半醉之下,將呢個女鬼o既事講左出黎.大力取笑阿權好艷福,重問隻女鬼到底有幾靚?阿權話自己重來無見過呢個女鬼,隻係感覺到佢係身邊.
  果晚,大力飲到醉醺醺,係張安樂椅度睡著左.去到半夜,大力發曬癲咁搖醒阿權,個樣好慌張.阿權估大力一定係見到隻女鬼,點知大力話,果隻根本唔係女鬼,而係一條腐屍.身上面帶住令人嘔心o既屍臭.阿權回想自已竟然同條腐屍同眠左咁多日,心入面一寒,第二朝一早,就搵人搬走張張安樂椅.
  果晚當佢上床睡時候,佢又聞到果陣熟識o既香氣.而且見到一個年輕女人o既身影,走向自己…女人o既頭髮輕柔咁掃過阿權塊面,佢終於睇清楚女人o既容貌…女人同佢講,唔捨得阿權,想永遠留係佢身邊.當時阿權發出一聲慘厲o既尖叫聲,跟住就暈!
  到底阿權見到D咩?無人知道,因為從呢日開始,阿權就俾人送左入精神病院.

盲搶鹽

我等你喲

切雞飯

強的很，竟然有這樣的文章

尊貴的基佬

要認真回覆，不然會沒有潛水值