小弟想分享一下我的經歷
我本身是原居民, 由細到大都係圍村大, 鄉村怪事真係好多, 好多
1.大肚婆食泥
我記得個年我9歲左右, 個年代唔係好多人有電視, 所以圍村d人好鬼早訓.
我個年好似9點左右就訓.
好記得個日, 夏天, 差不多11點啦, 因為唔見左個大婆, 所有全村出動去搵, 我和呀哥, 老豆都出動.
個時邊有街燈呀, 黑鬼麻麻, 要用電筒, 火水燈去搵, 搵左幾個鐘, 終於係魚塘搵到啦, 成村人去睇呀啦.
但去到, 我老豆即刻叫我和阿哥返屋企, 我問點解啦, 我老頭話你地返去先, 聽日話比我地聽..
到左第二日, 我老豆話我大肚婆係個度食緊泥呀....., 我又問, 佢有無死呀....
我老豆講, 最後搬左個大肚婆去圍門, 見佢嘔返曬d泥出理, 然後就無事喎.
不過聽d老一輩講,唔係第一次發生,, 不過全部是女人, 都係嫁入村...
2.鬼上身
都唔知係本身是圍頭仔定乜啦, 我條村發生d野都係女性
另外一件事, 應該是同一件事, 但發生次數都有20次以上, 不過係唔同人身上吧
細個最鍾意放學後就跟同d同村兄弟姐妹去山上面摘龍眼, 荔枝等,
最記得個次, 有個姐姐行行下, 唔鬼知去左邊度, 到見番佢,發現佢講野變坐男人聲, 個時都以為佢玩野,
但係佢問左一句野就知唔對路, 佢問我地點去醫院, 我地班兄弟, 立即雞咁腳跑番屋企話比大人知啦.
(我老豆話, 如果有人講點去醫院就立即要同大人講).跟住班大人去番現場, 見個姐姐比5, 6個大人捉住
都可以擺脫, 佢係到講要去醫院, (個時元朗得一間). 最後見道有個長輩用手指按佢眉心就暈左啦.
番去同老豆講, 佢話鬼上身有兩個特徵, 1. 會變聲, 2. 腳掙唔到地
後話: 我老豆講得對, 我見過5, 6次都係咁 |
發表於 2012-5-10 03:01:44
分享
收藏
讚好
Unlike!
分享
