m記樓上的卡啦ok

tissss

講起佐敦m記樓上呢間卡啦ok..
要係度講..真係有排打字..
因為真係有幾個故事都係嗰度發生過..
先講小小先啦..

我第一次出現有問題既時侯..
係由個客話我知先既..
話說嗰時都仲係用緊d好舊式既擴音機既...(即大細聲係要較個制嗰種..唔似而傢呢d..)
有一日..有幾個客係房叫人..話個機唔聽話..較唔到..
咁我地照例都要去睇睇咖啦..
入到房..我用個搖控較左好耐都無反應..
咁最快既方法..就係幫個客轉房..然後先慢慢再攪..

到個客轉左房..我去攪啦..
一樣係咁...咁我就試下軷個大制啦..
ok喎..用大制又較到喎..應該係個搖控有問題姐....哈哈
如果大傢都係咁諗就錯啦...
因為..而傢先係戲玉呀..
我整完..諗住出返去啦..
關返部機去無聲..
點知...係我正想出門口既時侯..
部機無啦啦又大聲返喎...
我返轉頭較返無聲啦...(到而傢我都仲未識驚喎..)
今次仲得意..我較完無聲..
睇住個制自己轉返上去..好似有人較緊大聲咁..
試左幾次都係咁..
咁我嬲嬲地...咪連電制都拔埋囉...
哈...講你都唔信...拔左電制...部機仲識播歌喎....