[討論] 校園鬧鬼傳說

tissss

唔知大傢的學校有冇鬧鬼的傳問呢？
例如話廁所有o野，搞到冇人敢去；
或者係過o左幾多點後就會好猛鬼咁呢？

我城大都親身聽過同學遇到的鬼事情。
我上年o係 4 樓 Purple Zone 度上法文堂，
我一早坐o左o係課室等其他同學同埋老師o黎。
我入到去已經見到坐o係我旁的女同學的背包放低o左o係度，
佢人就唔o係課室。

之後佢無啦啦好驚咁衝入o黎課室，
同我講：
「我o巖o巖o係出面女廁撞鬼呀！
我入去o個陣睇過曬 d 廁格，明明係冇人架。
我去完廁所o個陣都聽唔到人聲
（註：有人拉門入洗手間的話，
道門一定會有聲的），
點知我去完一出廁格，
見到我旁邊的廁格閂o左門，
之後我望下下面的門縫，
見到一對清朝的繡花鞋！
（註：大學唔會有人著呢 d 鞋的，
o個時冇 drama society 的人拉票架。
同埋 drama society 的人唔會玩古裝的。）
嚇到我立即衝出廁所喇！
好得人驚呀！一定有鬼呀！」

好彩係女廁o者。
大學的廁所好多時係冇人架。
我有時入去小解都係得自己一個，
搞到我現在都有 d 驚會見到o野 ... ... ~~

naturebeehk

原來是這樣