屯門公路鬼抄牌

tissss

屯門公路鬼抄牌

近排東區走廊發生好多嚴重交通意外，每次都傷亡慘重；所以政府對於車輛係走廊上o既車速都控制得好嚴，捉快車o既次數密o左好多。不過屯門公路曾經出現過一個鬼差佬，佢專捉超速人士，仲會俾告票司機。

阿興就曾經收過鬼差佬o既告票。當日佢由屯門公路出屯門，由於附近冇乜車，所以佢架車開到好快。行到半路突然俾一個騎警截停。

「司機唔該熄匙拎身份證出o黎！」騎警對阿興講。

阿興見俾個差人捉到正，隻好死死氣俾個車牌佢抄。俾o左個牌差人之後，阿興冇心機到望都費事望個差人抄牌，個頭望另一邊。不過等o左好耐個差人都未抄完，所以阿興諗住擰轉頭串個阿Sir兩句。

「抄幾耐呀？阿……喂！阿Sir去o左邊呀？俾返個牌我呀！喂！」阿興竟然發覺個差人抄抄o下唔見o左人，於是即刻落車睇。隻見個車牌跌o左落地，但個差人就影都冇埋，連架電單車都唔知去o左邊。阿興即刻毛骨悚然，前面係一條大直路，個差人冇可能走得咁快，所以即刻拿拿臨上車離開。

出到九龍，阿興同朋友講呢件事，個朋友先同佢講原來佢都有Friend遇過同樣o既事情，話呢個其實係鬼差佬，專捉公路上開快車o