凶屋...

tissss

某朋友上年返地產既經歷~
有一日有人黎話要睇荃灣某舊樓(佢地幫人放盤)
敢佢就帶個客上2樓果個單位啦~
上到去就用個客交比佢條鎖匙開門
門一開即刻嚇呆左
間屋入面咩傢私都齊~仲有個女人坐係沙發睇緊電視
敢唔黎都黎左咪同個女人講:唔好意思呀~我地黎睇樓嫁~
個女人冇反應照望住個電視
敢我朋友就介紹個單位比個客啦
但個客超唔like啦話明吉盤無lala有人住
都唔知點敢~佢地就出門口走啦~
見到有人係入面就緊係唔會鎖返佢啦
就敢推埋左就算~
返到地產公司我個fd超唔順氣就打比個賣傢
問佢:你唔係放吉盤既咩做咩間屋仲有人住嫁搞到我地帶客上去......
個賣傢即刻話:冇理由~個盤肯定係吉既...我之前先叫人上去加過油~
一係你幫我睇多次啦~
我個fd收左線之後就以為個賣傢想玩野
敢佢就想同佢玩到盡
上去影張相比你睇睇下你仲點話吉盤
佢帶埋個相機上去
因為知道入面有人自然就去按個門鈴啦
按完一次又一次
按左十幾次都冇人應門
我個fd心諗駛唔駛咁串呀開一開門會死咩??
佢就拎條鎖匙出黎~開門
一打開......成間屋咩都冇
之前咩傢私電器一樣都冇
仲要成地都報紙
佢腳都震但都要入去望一望......
一入去有把好溫柔既女人聲係佢耳邊響起:e度係我屋企...唔好再煩我得唔得呀??
我個fd驚到門都冇關就走左返公司

事後我同佢上網查~果間屋5年前有個16歲既女仔係屋企訓
佢阿媽煲野之後落左街
個火熄左都冇人知
個女仔當場比煤氣既一氧化炭毒死
不過慶幸既係冇做成爆炸或火警就被鄰客發現~
事後個阿媽誤殺+疏於照顧兒童罪名成立要坐監
佢屋企人就將間屋賣左
一直都冇人買直到個叫我fd放果個賣傢平價買返黎炒

最恐怖既係事後我個fd既其他同事上去發現
度門鎖左~而比佢果條鎖匙根本就開唔到度門既
我個fd點入到去就......