泰國親身經歷.....自己都唔想相信係真架架!!!

tissss

我五月尾第一次去泰國~

泰國d酒店係大d喎~
話係三星既張床都勁大，間房又闊喎~
我同個朋友又好彩啦，領隊唔知因咩upgrade間靚房俾我地~
間房好似個單位咁架，有獨立客廳、廚房、睡房同廁所，連住兩晚~

第一晚，我搞掂哂d野，一達落床就訓左喇~
一訓就係第二朝俾電話嘈醒~
問朋友訓得好唔好啦，佢話麻麻，訓下醒下咁...
我又訓得好好喎，而佢就覺得好奇怪喇...
佢話尋晚訓到中途，見到我開住眼，仲望住佢添...
係??????
無喎.........
佢仲話我同佢傾計黎，話自己驚呀，所以訓唔著呀咁....
講左咁多野，又有對答，我咁醒訓又會一d印象都無啦.......
o..........
really o........

雖然極力說服自己，話咩隻係好訓得滯唔記得，但始終覺得好牽強.....
間房仲要住多晚喎......
住咪住囉，都無事啦其實~
第二晚，照訓唔理佢~
但我顯然無咁易訓得著囉......
開始時仲同朋友傾計添....
傾傾下.....我聽到聲，有人講英文喎.....聽真d，好明顯係電視既英文臺啦，之前果晚係廳睇過下......
撞x囉....出面部電視自己著既?????
我嚇一嚇，表情相信唔會好睇啦....
朋友好快就留意到，問仲咩事......
我見佢之前果晚既事都未驚完，咪話無野囉，難得佢聽唔到有聲......
但真係幾不安下，同埋成間房都幾應聲下，無理由佢聽唔到架喎...
我試探：「間房隔音麻麻喎，你聽唔聽到出面好嘈?」
佢笑笑口咁話：「係囉，d人關門呯呯聲~」
ok....fine.....

點做好呢?
出去望下部電視?
唔好傻啦，唔理佢，繼續傾計~
無耐之後，出面靜哂喇~
我同自己講：「無事喇~無事喇~」
之後就訓~
但訓得唔好囉，醒左幾次....
一醒就會望下朋友，佢都望到我架，不過.....之前果晚發生咁既事，佢呢晚仲敢開口咩....
不過最後都平平安安到第二朝~

第二日同領隊講番件事~
佢話通常團友都怕住尾房，聽人講話猛d...
而我地住果間既房號唔係全層最尾...
不過，間酒店既走廊係'L'字型既，而我地間房就係正個'L既角，隔離就係走火通道...
唔知咁算唔算係尾房呢....

[<i> 本帖最後由 mooncakecake 於 2006-6-3 11:46 PM 編輯 </i>]