屯門名校 5A 班主任請讓位

tissss

時間：7月14日‧地點：屯門名校門外‧人物：Sandy

講呢件事時，希望一切意外永遠唔會發生。但係對於屯門名校 5A 阿 SIR o黎講，相信聽完呢件事後，心裡面會有陰影。講出o黎，係希望大傢有所防備，處處小心自然保平安。

件事係由 Sandy 講起。暑假期間佢要返學校參加活動，o係下晝兩點幾走時，Sandy截o左一部的士返屋企，個的士司機問佢：「你係咪 XX 學生？」 Sandy ：「係！」個的士佬話：「我以前都係o係呢間學校教數學。暑假完後，我就會教 5A 班。」

Sandy 落車時，望見的士佬個樣，感覺上同上車時有o的唔同。返到屋企後，由於佢阿姨係o係呢間名校入面做文書，已經做o左十幾年。Sandy 同佢講話見到有個的士佬，以前係o係學校教書。佢阿姨好好奇，就問佢係點o既樣。Sandy 話上車時見到佢有小小禿頭，戴住眼鏡，國字面...

佢阿姨返到學校，好奇之下搵校刊，發現有一個似 Sandy 形容o既人。佢好驚，問 Sandy 係咪o個個人。Sandy 認得係佢。佢阿姨好驚，問佢話：「呢個阿 Sir 以前係o係學校教 5A 班，但係因為爛賭，後來自殺死o左。」佢阿姨知道 Sandy 所遇到o既事後，你猜一下佢第一個會同邊個講？

答案唔係校長，唔係死黨，而係同新學期即將o係 5A 班教數學o既阿 Sir 講。事關「的士佬」話新學年會返o黎教，咪即係取代呢位阿 Sir o既「位置」？

呢位阿 Sir 聽後覺得好驚，所以佢同校長講，希望o係學校燒衣紙拜o下。校長雖然有宗教信仰，但係唔畀佢買個安心o既話，萬一出事真係唔敢擔保，所以都答應佢o既要求。

而傢o巖o巖開學，幸而呢位阿Sir 仍未有事發生，亦希望個「的士佬」隻係講o下，並唔係講真！