婚後自煮!------香橙雞翼

bobodragon2001

煮左幾次西式，今次煮中式啦~

今晚煮左香橙雞翼~
好大工程呀因為用左成2個半橙整個汁
有諗過貪方便係超市買個橙味醬包算
但果d係色素、化學野多
點都唔及自己榨汁煮咁健康~


另外仲有鹹牛肉炒蛋
2個人食所以隻用左2隻蛋
多牛肉少蛋
呢隻鹹牛肉幾香喎~


仲有一大盤菜~
食左一半咋留番聽日做lunch


香橙雞翼食譜在此：


我就用左雞中翼而唔係全翼~ 用左12隻雞中翼

另外我發覺2個半橙既橙汁其實都幾多下，跟本都唔洗加水都已經水汪汪
就算最尾加生粉水都仲有好多汁~
所以我覺得頂多兩隻橙就夠, or唔洗加水

另外煎雞翼時要煎得少少 火農 先夠色水~
我焗完後發現d雞翼唔夠色，所以被迫要再煎一煎

至於橙酒，我覺得唔加都得 (仲等我特登走去上海街買一支仔橙酒)
如果唔加橙酒既話，個汁會係少少橙味加肉汁味
加左橙酒既話臨尾個橙味會出d
如果唔加橙酒又想個橙味突出d既話
我覺得臨尾加d鮮橙切粒落去兜一兜會有相同既效果

最搞笑既係食譜裡面話要用既胡椒粉係無用過


分享完畢~

9394

猛力的回覆，潛水值上上上