♥♥ 哪 1 ２ 星 座 對 另 一 半 好 手 鬆 ♥♥

plas_hoz

咩星座人對另一半會特別手鬆，畀曬成份糧女朋友去shopping，又或者畀埋錢幫男朋友交租，做到有錢兩份駛呢？

白羊座
錢對於白羊座來講係一種達到目的的手段同工具，再加上佢本身的賺錢能力有返咁上下，所以隻要佢高興用幾多錢響另一半身上都完全冇乜所謂！所以無論係想令到對方開心，又或者係搵錢打發對方唔好煩佢，佢駛錢響另一半身上都係非常咁慷慨！

金牛座
雖然錢對金牛座來講係非常重要而且搵得辛苦，不過同白羊座的情況有d相似的係，隻要可以令到對方高興，要買名牌做禮物又或者幫對方找咭數，數目就算係幾多都好，金牛座都會笑住咁畀另一半；不過唔同的係一旦佢對另一半感情變瞭，你咪旨意拎到一分一亳！

雙子座
千祈咪以為平日鍾意亂駛錢而且駛完又唔覺肉痛的雙子座一定唔介意畀錢另一半駛，如果真係咁諗就大錯特錯啦！情形正好相反，雙子座對另一半一ｄ都唔慷慨之餘仲會反而鍾意敲詐另一半ｄ錢，佢唔會直接問對方拎錢，而係叫你畀錢食飯找數、shopping埋單咁！

巨蟹座
講到巨蟹座呢，就要睇下佢同另一半去到咩關係啦，如果大傢仲係觀察中未算係好穩定的情侶關係呢，佢就唔係咁願畀錢過你駛；不過當大傢關係越來越親密，發展到同一傢人冇乜分別的話呢，就唔同講法，佢的錢當然可以兩份駛，為頭傢嘛！多多少少照顧下你有乜所謂！

獅子座
要數對另一半疏財，獅子座認第2，冇其他星座咁認第1！事關佢本身已經夠曬視錢財如糞土，再加上有亂駛錢的傾向，用錢去美化另一半同令佢開心喎！對獅子座來講根本唔覺得有乜唔妥！甚至乎唔駛對方講，佢都會自動花錢買大堆禮物同埋買名牌送畀你！

處女座
處女座對錢銀一向精打細算，唔係話佢唔肯駛錢唔會駛錢，而係佢會響花每分每毫時都會非常咁諗過度過，一定要用得其所；所以呢，講到駛錢係另一半身上，佢唔係唔願，但係傾向係駛響你身上之餘佢都要受惠，例如買部wii仔兩份玩，ok！買條裙畀你？佢都冇得著，no way！

天秤座
雖然話天秤座本身對錢銀概念好薄弱，而且駛錢亦都絕不用軟，不過講到駛錢響另一半度呢，佢又有另一種量度方法，如果對方直接問佢拎錢駛又或者要佢買禮物呢，佢會覺得好冇理由，唔多願意；唯一死穴係當大傢shopping緊睇中衫褲鞋襪時，佢可能又會突然主動話買畀你！

天蠍座
你咪睇天蠍座自己駛錢駛得咁狠咁狼就以為佢會好願意花錢響另一半身上，基本上無論係以現金形式又或者以實物形式，佢都係唔多願！老實講其實身為佢另一半都唔想見佢寬綽，事關天蠍座多數會響犯錯之後為瞭彌補有疚至會突然對另一半出手寬綽，大傢都唔想…

人馬座
人馬座睇錢係換取其他目的的手段，同處女座唔同的係佢唔一定話要一齊享用自己受惠，不過你要有心理準備係佢非常咁崇尚「以物易物」，你叫佢買部wii仔送畀你？冇問題，不過麻煩你送返部psp畀佢做禮物；你叫佢買個LV銀包做生日禮物？冇問題，不過記得佢生日送返佪BV銀包畀佢喎！

山羊座
至於守財奴山羊座呢，對另一半手唔手鬆就要睇時間同階段，追求期間就梗係鬆過阿婆阿伯塊面皮啦！心情好想逗你高興又會手鬆啦！大時大節聖誕生日情人節當然亦會手鬆，但係平日冇事冇幹你都咪駛旨意佢肯駛錢響你身上，問佢拎，佢直頭會扣你分添！小心！

水瓶座
水瓶座對另一半的用錢理念同山羊座有d相近，佢都係會睇事項，不過唔同的係佢又冇山羊座咁主觀同自我，例如係你想攪生意問佢拎錢，佢唔會話第一時間就諗對自己有咩著數，而係考慮返你盤生意有冇得攪，ok的佢絕對冇怨冇悔咁訓身支持，覺得唔掂呢，就咪駛旨意佢睬你！

雙魚座
先唔好講雙魚座本身的理財能力係點，對於呢個戀愛生物來講，隻要可以令到另一半開心，你問佢拎幾多，響佢能力範圍容許的話，佢都絕~對~會無怨無悔咁雙手捧上！就算係用佢d血汗錢來買d無謂物品，響佢心底有幾唔願意佢都會畀錢，不過響佢心底積的怨氣就會越來越大！