日秋日食唔係西餐,就係日本放題,幾好食都有D厭,今日中午經過開佐敦,有人派左張LEAFLET,係間印度餐廳.
依間野,其實差不多日日都有經過,都有留意過,不過門面,地點都唔係好吸引到人,所以都無幫襯過.
既然有張LEAFLET,禽晚就同老婆試左.
去既時間係18:30左右,門口出面一個人都無,裡面呢?由開始食到尾都係得我地2個.
無人都有個好處,唔駛等位,最重要係D野掂唔掂先真.
開始叫野,MENU一定有既係英文,隔離亦有中文,有D仲要有相,唔驚唔舍叫左D乜.
我地2個人叫左...清炒西蘭花,咖哩羊肉,薄餅,北印度魚焗飯(老婆都問左,要少辣),雞肉炒麵.本來仲想叫個咖哩角,不過老婆話食唔曬,無得叫.
最先來左雞肉炒麵,微辣,即叫即炒,用青招,洋蔥,雞肉炒成一碟,幾香,味道亦唔錯.
之後來左個清炒西蘭花,咖哩羊肉,薄餅,西蘭花感覺不是用蒜蓉來炒,但食唔到用乜來炒,但入味,而且西蘭花炒到剛剛好熟同唔熟之間,但我自己厭有少少咸.
咖哩羊肉就不用講,味道一定好過大傢樂,配上薄餅更是一留,咖哩羊肉內亦有大量既青招,味道濃,但辣度亦可接受.
最後是北印度魚焗飯,煎魚加炒飯底,旁邊有蕃茄伴碟.煎魚是不錯,不過飯底就隻有2個字,好辣.平時叫食到辣既我,都食到頭髮都滴汗,爬左幾啖最終都係放棄.好辣之下,食左伴碟果幾片蕃茄,又無左辣既感覺.早知叫多蕃茄少飯啦.
幸好個焗飯唔係我叫,唔係一陣老婆又話啦...hoo.
埋單HK$220,價錢我覺得OK,如果唔要個焗飯,加返個白飯同咖哩角應該都係差不多.
最後個WAITER都有同我地講SORRY,話唔知我地食唔到個咁辣既焗飯.但我諗,都叫左要少辣都辣到咁,正常既會係點樣辣法呢?
依間野我覺得服務OK,野食同價錢都OK,隻係位置唔係好方便,係廣東道同柯士甸道交界位,叫(Yak & Yeti Resturant & Bar),係中港城去就10分鐘左右.
有興趣印度野既師兄師姐,有興趣可以去試下.
睇過門面震成咁,就知個位有幾黑,同IPHONE影夜晚有幾垃圾.
到我地走都係得我地1臺,我估可能係D回教人士,唔會咁早食飯.但咁就O巖曬,唔駛等位.
入到坐低,依隻杯係用來飲酒,不過我地無飲到.
雞肉炒麵,我地2個都覺得正,可能係開始有D肚餓吧.
好簡單既西蘭花,完全睇唔到點解可以咁入味.
依2樣野簡直就係最佳配搭.
成晚唯一奶野既焗飯,外觀賣相都唔差O架.
[ 本帖最後由 machalie 於 2011-03-05 10:39 AM 編輯 ] |