查看: 1626|回復: 10

盧宛茵公屋潮文 [複製鏈接]

ckpole

Youth II

Rank: 6 Rank: 6

好友: 0
帖子: 5515
積分: 10968
最後登錄: 2018-7-19
在線時間: 0 小時

電梯直達

樓主

發表於 2014-4-4 13:50:35 |只看該作者 |倒序瀏覽

盧宛茵公屋潮文

2014-4-4 13:50:35 上傳
下載附件 (0 Bytes)
174449lnox5hbynyi.png

曾經，網上面就有兩篇潮文紅極一時，就係《女朋友帶你返屋企食飯》同《CUT唔到有線》，呢兩篇潮文當年一出，就紅遍網絡，主要原因係因為兩篇潮文都道出港人心聲，共鳴感好強。

喺現今呢個乜嘢都會畀人拍成片嘅世代，網民又點會放過呢兩篇潮文呢？先講《女朋友帶你返屋企食飯》，其實喺上年嘅12月，已經有製作團隊將呢一篇潮文拍成影片，而喺近日，又有另一個團隊將潮文拍作影片，真係好受歡迎。

新嗰條片叫做《公屋●居屋●私樓》，仲搵嚟衞蘭………唔係，係盧宛茵至啱，飾演女朋友媽媽，盧宛茵不愧老戲骨，可以話係完美演繹出呢一個角色。其實潮文拍成影片，真係好考導演嘅功夫，話晒個故事都已經畀人睇過晒，只係得番畫面嘅堆砌同鏡頭嘅運用去表達自己嘅功力。而個男主角就係有線電視嘅主播陳焜傑，一向做開主持嘅佢，估唔到做起戲出嚟，又算做得唔錯，雖然有少少生硬，但就好適合呢一個角色。

當中最精彩係講到男主角住喺唔同嘅屋，就會有唔同嘅待遇，好似住私人樓就有雞髀食，住居屋就有雞胸，如果住公屋，就連雞都冇得食。呢條片應該係引起咗唔少人嘅共鳴，所以條片都引嚟唔少人留言，有網民就大讚盧宛茵嘅演出，又話拍得好有心機，而當中仲有大部分嘅網民話導演都幾抄襲《重慶森林》嘅感覺。

有網民留意到其中一個細節，講到住秀茂坪公屋嘅男主角，向盧宛茵自我介紹話住喺觀塘，令盧宛茵以為佢住觀月樺峰。有網民即話：「片中講住豪宅劏房觀月樺峰，原來就係上等人，放心，市建局有好多機會留俾我哋。」其實呢一段都睇得出導演嘅用心，事關早前就有報道話，政府有意將觀塘打做成一個「小太古城」。將明明係全香港最窮嘅觀塘打造成豪宅區，仲要俾白鴿眼如盧宛茵(片中)之流視為比秀茂坪仲要「高級」。真係諷刺。

而另外一條，《CUT唔到有線》內容就係話一男主角因為取消唔到有線，之後生活就要日日都拎住個有線嘅解碼器四圍走，呢一條片嘅製作就冇《公屋●居屋●私樓》咁大，加上片中仲有大量粗口，唔知係唔係因為咁，所以《CUT唔到有線》嘅點擊，完全追唔上《公屋●居屋●私樓》。咁當然，最究極嗰篇，一定一定係《那夜凌晨我坐上旺角開往大埔的紅van》啦!