政府必須正視 [複製鏈接]

火爆強B

Youth II

Rank: 6 Rank: 6

好友: 0
帖子: 4675
積分: 9301
最後登錄: 2018-7-31
在線時間: 0 小時

電梯直達

樓主

發表於 2014-12-30 09:24:33 |只看該作者 |倒序瀏覽

(綜合報道)(星島日報報道)可靠消息，政府高層已拍板，十萬火急，制定佔領運動結束後的青年政策。慘呀，今鋪，唉，避無可避，又要「高官奶媽」林鄭孭飛嘞。其實幾好笑（苦笑！），香港歷任「青年事務委員會」主席，論年齡，皆屬後期中年，根本無法領略當今年輕人諗乜、追求乜，以及價值觀如何。一班「離地中年」變青年事務委員，釐定青年政策，再交保守官僚研究及執行，唔使問阿貴都知死得。結果，「青年事務」與現實青年愈行愈遠。
　　表明要替香港管治出謀獻策的「團結香港基金」，同樣由大群六十到八十歲長者組成，佢哋點會明白今天香港青年心態？唔錯摸就奇！
　　小弟還請特區政府，火速在各智囊組織，全綫吸納二十到四十歲年輕人參與制定「後佔中」政策。否則，若繼續一廂情願「大隻諗」，唔使幾耐，必定再出事，且一波比一波更凶險、更棘手。
　　願唔願意都要面對，十年後，現今掌權一輩，由梁振英開始到梁錦松、曾俊華……以至今天影響力仍存的董建華、梁愛詩、范徐麗泰……再到林鄭月娥，全部七老八十，仲唔退下交棒？老人政治，中國都早早摒棄啦。好嘞，若放眼十年後管治，今天怎可排斥四十歲以下年輕人進入權力系統？若要「受埋佢哋玩」，咁，現屆掌權者必要調校只有自己啱晒的一套價值觀，範圍包括政治、經濟、發展、環保、教育……等。
　　回歸前，港英政府最擅長搞「吸納政治」。為免鋪鋪與反對者對撼，倒轉吸納佢哋入建制，分權分責任，等班嘈嘈閉鬧完唔使做之「大隻講」，真真正正面對現實難題，知道乜叫「破壞容易建設難」。正常人性就是如此，你交責任畀佢，佢有頭有面，當然唔衰得，必定瞓身。只要肯起步，永遠不會遲。期望特首出爐《施政報告》，令人覺得佢實實在在搞緊「香港營」！
　　曾智華
　　阿碌
　　開咪
　　專欄